له الجزیرې تلوېزیون څخه په خپاره شوی یو رپوټ کښې راغلی چې  په افغانستان کښې مېشت امریکایې ځواکونه اوس هڅې کوی چې د انجیل پښتو او دری چاپ شوی  کتابونه په افغانستان کښې ووېشی کړی.

امریکائی جنرل  ګېری هینسلی Gary Hensley په ثبت شوې یوه موعظه کښې خپلو پوځیانو ته وائې چې دوی د حضرت عیسی (ع) پیروکار دی، نو دوی مسولیت لری، چې د هغه لپاره شاهدی ورکړی . په فلم کې سرتېری په دې بحث کوی چې څه ډول په خلقو کښې په  محلی ژبو انجیلونه وویشی

امریکایی قومندان په دې ویډیو کښې وایی:

"The special forces guys - they hunt men basically. We do the same things as Christians, we hunt people for Jesus. We do, we hunt them down. Get the hound of heaven after them, so we get them into the kingdom. That's what we do, that's our business." .

(( ځانګړی ځواکونه د خلقو په نیولو او تعقیبولو پسې دی. موږ هم د عیسایانو په توګه همدا کار کوو، موږ د عیسی مسیح (ع) لپاره خلق تعقیبوو او ښکار کوو.  په دوی پسې د خداے تازی خوشی کړئ ترڅو دوی د خداے قانون ته راشی. دا هغه څه دی چې موږ یې کوو، او همدا زموږ کار دے ))

که څه هم د امریکائی ځواکونو مشر قومندان مایک مولن له الجزیرې سره په مرکه کښې ویلی چې دې د خپلو سرتېرو لخوا د عیسایت د تبلیغ له هڅو نه دے خبر، خو په ویډیو کښې امریکائی سرتېری له خپل محلی مشر سره په دې اړه جدی خبرې کوی.

د امریکې د پوځی قوانینو له مخې، په دنده برحاله سرتېری نه شی کولې د نورو خلقو د دین د اړولو لپاره هڅې وکړی.

دا ویدیو د امریکې د پوځ د یو پخوانی غړی او اوس د مستندو فلمونو جوړوونکی بریان هیوز Brian Huges

لخوا یو کال مخکې ثبت شوې، او له هغه څخه الجزیرې ترلاسه کړې ده.‌ بریان هیوز په بګرام کښې څو ورخې له امریکائی سرتېرو سره تېرې کړې وې په بګرام اډه کې پښتو او دری انجیلونه لیدلی وو

د ویدیو په یوه بله برخه کښې یو بل منځپوړی پوځی چارواکی جان وټ Jon Watt ښکارېږی چې د انجیل د درس په صنف کې وایی:

 

 

"I also want to praise God because my church collected some money to get bibles for Afghanistan. They came and sent the money out."

(( زه د خداے شکر ادا کوم چې زما کلیسا په افغانستان کښې د انجیلونو لپاره یو څه پیسې راټولې کړې وې. دوی راغلل او پیسې یې هم راولېږلې))

د فلم ثبتوونکی بریان هیوز وائی دې نه پوهېږی چې دا انجیلونه به تقسیم شوی وی او که نه، خو دې باوری دے چې د پښتو او دری انجیلونه امریکایی سرتېرو په افغانانو کښې د وېشلو لپاره راټول کړی وو.جان وټ وائی دوی بایبلونه یا انجیلونه د تحفې لپاره خلقو ته ورکوی.

په فلم کښې داسې اشارې هم شته چې امریکائی سرتېرو تر دې مخکښې په عراق کښې هم انجیلونه کښې خلقو وېشلی وو.

په یو ځاے کښې، جان وټ وائی: ما یوه غالۍ واخیسته او بیا مې هغه سړی (غالۍ خرڅوونکی) ته یو انجیل ورکړ. ما ته په عراق کښې داسې معلومه شوه چې خلق د خداے د کتاب (انجیل لپاره) تږی دی.‌

د خپراوی نیټه یکشنبه 1389/01/22    |لیکوال: عوزیر ستانکزی    |    | نظرات()